seirler.info

    (Nizami Gəncəvi)

    Sən könlümü almaq da dilərsənmi, a dilbər?
    Solsun o böyük eşqinə bəslənmiş əməllər!
    
    Bir xeyli zaman var ki, açılmır o gül ağzın,
    Zəhmət çəkərək qırmadı püstən dəxi şəkkər.
    
    Hər kirpiyinə bir pəri məftuni-zəbundur,
    Zülgün dağılar, şurə gələr cümlə gözəllər.
    
    Qəmzən nə yaman rövnəqi-islami yıxıbdır,
    Tut başqa əməl, olma, gözəl, gəl belə kafər.
    
    Səhralərə çıxsan, bilirəm, dilbəri-rəna,
    Qibtə edəcək hüsnünə gün ayla bərabər.
    
    Əqlə gələcək hər nə ki, divanələrin var,
    Ruyindən əgər olsa kənar o qara tellər.
    
    Ruh nuş eləyər, ləli-ləbin badə verərsə,
    Çəng, ney, kaman inlər, göz olar onlara sağər.
    
    Bu hüsnü camal ilə, bu ülvi görünüşlə,
    Mümkünsə, bizə lütf eləyib ruyini göstər.
    
    Tainki Nizami kimi hicranzadələr qoy,
    Bel bağlayaraq qulluğa, olsun sənə çakər.



    _____________________________________
    Teqlər:  Nizami Gəncəvi şeirləri və qəzəlləri ,
    Nizami Gəncəvi şeirləri, qəzəllər , 
    Nizami Gencevi qəzəlləri, qəzəl ,
    Nizami Gencevi seirleri, qezel ,
    Nİzami Gəncəvi a dilbər, 
    a dilber qezel, a dilbər qəzəli ,
    klassiklər, klassik ədəbiyyat
  
#SevgiŞeirləri|#AyrılıqŞeirləri|#VətənpərvərlikŞeirləri