seirler.info
Ana
(Rəşad Azəri)
Öz anamın timsalında
bütün analara ithafən...
Mənim anam dünyaların gözəli,
Mənim anam varlığımın əzəli,
Mənim anam sevgilərin özəli,
Sənsiz həyat mövcud deyil, ay ana!
Gündüzlərin lal olduğu gecəni,
Laylasına uyuduğum gecəni,
Bu dünyaya doğulduğum gecəni
Necə geri verim sənə pay, ana?!
Nəfəsində böyüyüb boy atdığım,
Gözlərinin yuxusunda yatdığım...
Qoxusundan doymadığım varlığım,
Tapılarmı görən sənə tay, ana?!
Sənsən mənim yer üzündə mələyim,
Səndən başqa yox gümanım, köməyim.
İcazə ver, bu kəlməni mən deyim:
– Yat, anacan, yat, ana, lay-lay, ana!
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri