seirler.info
Asan deyil
(Sevda İbrahimli)
Sözə Qurban Olmaq Asan Deyildir...
Əlim qələmdədir, könlüm səfərdə,
Duyğular səssizdir, sükut kəfəndə.
Hər kəs yaza bilər bir neçə misra,
Amma şair olmaq, qismətdir yəqin.
Qur’anın kölgəsi düşər vərəqə,
Hər söz məsuliyyət, dönməz geriyə.
Yazdığın sətirdə əxlaq, vicdan var,
Sözlə oynamaq yox, bir yük daşıyar.
Bəzən bir hecadan aləm dəyişər,
Bəzən bir nöqtəylə könüllər bişər.
Şair,sözün ruhu, sözün nəfəsidir,
O, Allahdan gələn səsin sədadır.
Kimsə yazır, deyər "şeir yazıram",
Amma ruhu yoxsa, sözdə azıram.
Rəsmiylə söz çəkib tələyə salmaz,
Şair haqq danışar, yalanlar yazmaz.
Əgər misralardan nur süzülmürsə,
Əgər könüllərə yol düzülmürsə,
Onda qələm sənə əmanət deyil,
Sən şair deyilsən, yadda saxla bil!
11.04.2025
_______________________________________________
Teqlər: Sevda İbrahimli şeirləri
#SevgiŞeirləri|#AyrılıqŞeirləri|#VətənpərvərlikŞeirləri