seirler.info
Bilmirəm
(Elvin Elxanoğlu)
Günün hansı vaxtı, hansı saatı -
Gündüzmü, yoxsa ki gecə unudum?
Heç zaman ağlımdan çıxmırsan axı,
Bilmirəm mən səni necə unudum...
Sənsiz hər saatım dönüb olur il,
Səni xatırladır hər mahnı, şəkil.
Bilin ki – Ayrılıq unutmaq deyil,
Qəlbimə nə deyim, necə ovudum?
Bilmirəm mən səni necə unudum...
Qəlbim qanad açır səni duyanda,
Hər gecə görürəm səni röyamda.
Ürəyim sızlayır xatırlayanda,
Necə həzm eyləyim, mən necə udum?
Bilmirəm mən səni necə unudum...
Sənli günlərimə qayıda bilsəm,
Axan göz yaşımı quruda bilsəm,
Unudardım səni, unuda bilsəm.
Sənin həsrətinlə saraldım, soldum,
Bilmirəm mən səni necə unudum...
#SevgiŞeirləri|#AyrılıqŞeirləri|#VətənpərvərlikŞeirləri