seirler.info
Bir səhər yuxudan durub
(Ramiz Rövşən)
Bir səhər yuxudan durub
Özünü uşaq görəsən.
Görəsən hamı evdədi,
Ölənləri sağ görəsən.
…Qorxasan qaçıb gedələr, -
Tez qapını bağlayasan.
Geri dönüb içəridə
bir təzə qonaq görəsən.
Görəsən ki, qapqaradı
o qonaq başdan ayağa.
Ondan başqa hamısının
üst-başını ağ görəsən.
Pəncərədən içəriyə
dola, dola gün işığı.
İçəridə boş-boşuna
yanan bir çıraq görəsən.
Söndürəsən o çırağı -
hamı birdən yoxa çıxa....
Otaqda bir qara qələm,
bir də ağ vərəq görəsən!
____________________________________________
Teqlər: Ramiz Rövşən şeirləri,
Ramiz Rövşən, şeir, şeirlər,
Ramiz Rovsen seirleri, seirler,
bir səhər yuxudan durub, super şeir,
bir seher yuxudan durub ,
Ramiz Rövşən bir səhər yuxudan durub
#SevgiŞeirləri|#AyrılıqŞeirləri|#VətənpərvərlikŞeirləri