seirler.info

    (Bəxtiyar Nemətli)

    Ürəyi eşq dolu, gülərüz qadın,
    Camalın ay kimi, bəxtin qaradır.
    Səni qısqananlar bilirmi görən,
    Sevgi atəşindən qəlbin yaradır.
    
    Ürəyin sızlayır, gülür gözlərin,
    Qəmini içində özün çəkirsən.
    Hər gecə yataqda göz yaşlarınla,
    Dərdinin üstünə sən dərd əkirsən.
    
    Gündüzlər birtəhər silib göz yaşın,
    Hamıyla şən olub, deyib gülürsən.
    Evinə dönəndə baxıb güzgüyə,
    Gördüyün gözələ sən də küsürsən.
    
    Bu cavan yaşında nədir çəkdiyin,
    Niyə qismətinə düşüb ayrılıq?!
    Gözlərin yanağa nar giləsitək,
    Göz yaşın sıraya düzüb ayrılıq.
    


    ______________________________________________
    Teqlər: Bəxtiyar Nemətli şeirləri, 
    Bəxtiyar Nemətli büllur göz yaşı şeiri,
    bullur goz yasi seiri Bextiyar Nemetli,
    bextiyar nemetli seirleri,şeirlər,şeir
  
#SevgiŞeirləri|#AyrılıqŞeirləri|#VətənpərvərlikŞeirləri