seirler.info

    (Xalidə Nuray)
    
    Nə zaman doğulur nə zaman ölür,
    Dərk etmirik bu nə sirdir, İlahi?
    Olanda da, öləndə də ağlayır,
    Heç bilmirik bu nə sirdir, İlahi?
    
    Kiminin bəxtinə sevinc ələyir,
    Kiminsə könlünü qəmə bələyir,
    Qismətə,taleyə məğlub eyləyir,
    Heç bilmirik bu nə sirrdir, İlahi?
    
    Uşaqlıqda nələr olur bilmirsən,
    Cavanlığın yaşa dolur bilmirsən,
    Gözəlliyin gül tək solur bilmirsən.
    Heç bilmirik bu nə sirrdir,İlahi
    
    Gördüklərin keçmişinə ox olur,
    Sevinən az, kədərlənən çox olur,
    Bu gün olan, sabah üçün yox olur. 
    Heç bilmirik bu nə sirrdir,İlahi?



    ______________________________________________
    Teqlər: Xalidə Nuray şeirləri, 
    Xalidə Nuray bu nə sirdir ilahi şeiri,
    bu ne sirdir ilahi seiri Xalide Nuray,
    xalide nuray seirleri,şeirlər,şeir
     
#SevgiŞeirləri|#AyrılıqŞeirləri|#VətənpərvərlikŞeirləri