seirler.info
Canlı ölüyük
(Xalidə Nuray)
Ömrün pilləsinə uşaq yaşımdan,
Əzabla qalxmağa tək öyrənmişəm.
Namərdlər əlindən çox yara alıb,
Qalxdığım zirvədən hərdən enmişəm.
Əzəldən çətinlik olub qismətim,
Niyyətim hər zaman düzə yönəlib.
Düşən anlarımda mənə gülənin,
Qalxanda gülüşü qəmə bələnib.
Yaxşını-yamanı tanıyım deyə,
Min kərə oyulub könül oylağım.
Qoymadım qürurum başını əyə,
Dar gündə Allahım, olub dayağım.
Bəlkə də, dünyanın çatıbdı sonu,
Nə qədər günahıq ,günah yüklüyük.
Nəfsiylə boğulan Şeytan xislətli,
İnsanlıq öldürən canlı ölüyük.
______________________________________________
Teqlər: Xalidə Nuray şeirləri,
Xalidə Nuray canlı ölüyük şeiri,
canli oluyuk seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri