seirler.info

    (Cabir Novruz)
    
    Həyatımın tacı idi
    Qara gözlü cavanlığım.
    Eşq, məhəbbət acı idi
    Qara gözlü cavanlığım.

    Ürək kimi döyünərdi,
    Nə bir qəmi, nə bir dərdi,
    Çox illərə sinə gərdi,
    Durdu, dözdü cavanlığım.

    Ömrü çiçək qədər oldu,
    Sevinc oldu, kədər oldu.
    Neçin gəldi-gedər oldu,
    Kimdən küsdü cavanlığım?..

    Arzulara adlayardı,
    Qönçə kimi çatlayardı,
    Gözəlləri odlayardı,
    Qaynar, isti cavanlığım.
    
    Təbiətin nemətiydi,
    Sevgilərin məbədiydi,
    Sanardım ki, əbədidi,
    Tükənməzdi cavanlığım…
  
  

    ______________________________________________
    Teqlər: Cabir Novruz şeirləri, 
    Cabir Novruz cavanlığım şeiri,şeir,seir,
    cavanligim seiri cabir novruz,seirler,
    şeirlər,cabir novruz seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri