seirler.info

    (Zəlimxan Yaqub)
    
    Görüş var bir ömrü versən də azdır,
    Görüş var getməyə adam can çəkər.
    Görüş var şadlığı sığmır illərə,
    Görüş var fərəhi bircə an çəkər.
    
    Yaşasan ən şirin arzuyla kamla,
    Sevincin sel olar,dərdinsə damla.
    Ürəkdən verilən xoş bir salamla
    Əli əl isidər,qanı qan çəkər.
    
    Ayrılıq həyatda hər şeydən çətin,
    Min bir əzabı var bir məhəbbətin.
    Gəlməzsən yandırar məni həsrətin
    Gələrsən nazını Zəlimxan çəkər. 



    ______________________________________________
    Teqlər: Zəlimxan Yaqub şeirləri, 
    Zəlimxan Yaqub çəkər şeiri,şeir,
    ceker seiri zelimxan yaqub,seir,
    zelimxan yaqub seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri