seirler.info

    (Mirzə Ələkbər Sabir)

    Çıxdı günəş, doldu cəhan nur ilə,
    Cütçü sürür tarlada cüt şur ilə.
    
    Atlar, öküzlər kotana güc verir,
    Gah yürüyür, gah yıxılır, gah durur.
    
    Cütçü batıb qan-tərə, yer şumlayır,
    Şumladığı tarlasını tumlayır.
    
    Olsa da artıq nə qədər zəhməti -
    Işləməyə var o qədər qeyrəti.
    
    Çünki bilir rahət əziyyətdədir,
    Şad yaşamaq səydə, qeyrətdədir.
    
    İndi əgərçi ona zəhmət olar,
    Qışda əyali, özü rahət bular:
    
    Cəm edəcək tarlasının hasilin,
    Bəsləyəcək həm ailəsin, həm elin.



    ______________________________________________
    Teqlər:  Mirzə Ələkbər Sabir şeirləri, 
    Mirzə Ələkbər Sabir cütçü şeiri,şeirlər,şeir,
    cutcu seiri mirze elekber sabir,seirler
    Çıxdı günəş, doldu cəhan nur ilə
  
#SevgiŞeirləri|#AyrılıqŞeirləri|#VətənpərvərlikŞeirləri