seirler.info

    (Nizami Gəncəvi)

    Sözün də su kimi lətafəti var,
    Hər sözü az demək daha xoş olar.
    
    Bir inci saflığı varsa da suda
    Artıq içiləndə dərd verir su da.
    
    İncitək sözlər seç, az danış, az din,
    Qoy az sözlərinlə dünya bəzənsin.
    
    Az sözün incitək mə’nası solmaz,
    Çox sözün kərpictək qiyməti olmaz.
    
    Əsli təmiz olan saf mirvarılar,
    Suya və torpağa min bəzək vurar.
    
    Mə’dənlə dolsa da hər xəzinə,
    Hər kiçik zərrəsi dərmandır yenə.
    
    
    Ürəyi oxşayan bir dəstə çiçək,
    Yüz xırman otundan yaxşıdır, gerçək!
    
    Yüz ulduz yansa da göylərdə, inan,
    Bir Günə baş əymək xoşdur onlardan.
    
    Göydə parlasa da nə qədər ulduz.
    Günəşdir nur verən aləmə yalnız.



    _____________________________________
    Teqlər:  Nizami Gəncəvi şeirləri və qəzəlləri ,
    Nizami Gəncəvi şeirləri , qəzəllər , 
    Nizami Gencevi qəzəlləri ,
    Nizami Gencevi seirleri , qezel ,
    Nİzami Gəncəvi az danışmağın gözəlliyi , 
    az danismagin gozelliyi , sənsiz qəzəli ,
    klassiklər , klassik ədəbiyyat


#SevgiŞeirləri|#AyrılıqŞeirləri|#VətənpərvərlikŞeirləri