seirler.info
Dünyaya dəyər
(Elvin Elxanoğlu)
Durub gözlərinə baxmaq istərəm,
O dərin baxışlar ruhumu alır.
Dəniz gözlərində batmaq istərəm,
Hər baxış qəlbimə dərin iz salır.
O saf təbəssümün dünyaya dəyər,
Günəş gülüşündən sanki nur alır.
Lalələr, nərgizlər sənə baş əyər,
Almazlar qarşında kölgətək qalır.
Bütün musiqilər səsinlə susur,
Sən sussan, sevgimiz nəfəssiz qalar.
Səsinlə bu ruhum tapır bir hüzur,
Hüzursuz həyatdan kim ləzzət alar?
Nə yaxşı, qarşıma çıxmısan, gülüm,
Səni hər görəndə dərdim azalır.
Havatək ömrümə axmısan, gülüm,
Ürəyim sevginlə tək nəfəs alır.
#SevgiŞeirləri|#AyrılıqŞeirləri|#VətənpərvərlikŞeirləri