seirler.info
Deyirdin ömürlük sənindi qəlbim
(Məmməd Araz)
Deyirdim ömürlük sənindi qəlbim,
Onda yaşayırsan, yaşayır o da.
Deyirdim dəryadan dərindi qəlbim,
Çünki bir məhəbbət uyumuş onda...
Bilmədim heç necə yarıldı sinəm,
Bir tufan ağzında seli, gurşadı -
Qəlbimi arayıb, axtarıb bu dəm
Yudu bir sevdanı, sildi bir adı.
Qarğıma gurşadı, seli, küləyi,
Onlara mən dedim! Niyə mən dedim? -
Mənim ürəyimdən çıxan ürəyin
İçində bir ürək gizlənmiş idi...
#SevgiŞeirləri|#AyrılıqŞeirləri|#VətənpərvərlikŞeirləri