seirler.info

    (Zəlimxan Yaqub)
    
    İnsan niyә vurulur ada, şana-şöhrәtә,
    Dünyanın sәrvәtindә, zәrindә nә var görәn?
    Rahatlıq yoxdu yerdә, Adәm yerә düşәndәn,
    Bu xaraba dünyanın yerindә nә var görәn?
     
    Ağrımız çoxalanda yaranı keyitmәdi,
    Dәrdi hәr gün böyütdü, sevinci böyütmәdi.
    Eh, bu qoca dәyirman kimlәri üyütmәdi,
    Dәyirmanın çarxında, pәrindә nә var görәn?
     
    Tәmiz ürәk gözәldi, isti can, isti sinə,
    Kin-küdurәt bağlasa, hisdi can, hisdi sinә.
    Düşәndә tәbiәtin oduna, istisinә
    Niyә kölgә gәzirik, sәrindә nә var görәn?
     
    Savaşların, qanların göz açmırıq yasından,
    Tәmizlәnә bilmirik paxırından, pasından.
    Niyә әlini çәkmir dünyanın yaxasından,
    Şeytanın fitnәsindә, şәrindә nә var görәn?
     
    Uyduq fani dünyanın adәtinә, dәbinә,
    Möhtac olduq axırda dәrmanına, hәbinә.
    Ömrü boyu can atdıq dәryaların dibinә,  
    Heyif, bilә bilmәdik dәrindә nә var görәn?



    ______________________________________________
    Teqlər: Zəlimxan Yaqub şeirləri, 
    Zəlimxan Yaqub eh bu qoca dəyirman şeiri,
    eh bu qoca deyirman seiri zelimxan yaqub,
    zelimxan yaqub seirleri,şeirlər,şeir,seir
  
#SevgiŞeirləri|#AyrılıqŞeirləri|#VətənpərvərlikŞeirləri