seirler.info

    (Aşıq Ələsgər)

    Axşam-sabah, çeşmə, sənin başına
    Bilirsənmi, necə canlar dolanır!?
    Büllur buxaq, lalə yanaq, ay qabaq,
    Şahmar zülfü pərişanlar dolanır.
    
    Afərin xudanın haqqı-sayına!..
    Camalları bənzər bayram ayına,
    Belə gözəllərin xaki-payına
    Mənim kimi çox qurbanlar dolanır.
    
    Gördüm gözəlliyin bizə bildirir,
    Qaş oynadır, xəstə könlüm güldürür,
    İşvəyü nazıyla adam öldürür,
    Qəmzəsində nahaq qanlar dolanır.
    
    Məni qoca gördü, ürbəndin açdı,
    Ala gözlərinə gözüm sataşdı,
    Huş başımdan getdi, xəyalım çaşdı,
    Mürği-ruhum asimanlar dolanır.
    
    Adım Ələsgərdir, Göyçə - mahalım,
    Dolanım başına, mən dərdin alım,
    Hüsnün şöləsinə xəstə xəyalım
    Pərvanədi, şəmistanlar dolanır.



    _______________________________________________
    Teqlər: Aşıq Ələsgər şeirləri, 
    Aşıq Ələsgər dolanır şeiri, şeir, qoşmalar,
    Aşıq Ələsgər qoşmalar, Asiq Elesger seirleri,
    Aşıq Ələsgər müxəmməslər, Aşıq Ələsgər gəraylılar,
    Aşıq Ələsgər təcnislər, super şeirlər, şeirlər,
    Aşıq Ələsgərin qoşma və gəraylıları, seirler 
  
#SevgiŞeirləri|#AyrılıqŞeirləri|#VətənpərvərlikŞeirləri