seirler.info
Dünya qəfil işıqlansa
(Ramiz Rövşən)
Qəfil gün doğsa bir gecə,
Dünya düm ağ işıqlansa;
Şəhər-şəhər, küçə-küçə,
Otaq-otaq işıqlansa,
Görərik kimlərin əli
kimlərin cibindən çıxır.
Kimlər əyilə-əyilə
kimlərin evindən çıxır.
Qəfil gün doğsa bir gecə,
Min-min gizli günah görsək,
Üstünü örtə bilməsə,
Bu dünyanı çılpaq görsək,
Başımıza hava gələr,
ağlımız çaşar bəlkə də.
Hamı birdən baş götürüb
dünyadan qaçar bəlkə də.
Bu dünyada bəs kim qalar,
Kim böyüdər, uşaqları?!
...Nə yaxşı ki, bu dünyamız
Yavaş-yavaş işıqlanır...
_________________________________________
Teqlər: Ramiz Rövşən şeirləri,
Ramiz Rövşən dünya qəfil işıqlansa,
Ramiz Rovsen seirleri, super şeir,
dünya qəfil işıqlansa, şeirlər,
dunya qefil isiqlansa, seirler
#SevgiŞeirləri|#AyrılıqŞeirləri|#VətənpərvərlikŞeirləri