seirler.info
Payız durnam
(Musa Yaqub)
Payız durnam uçub getdin,
Bir də dönüb gələrsənmi?
Sən dönəndə mən olmasam,
Ruhum ilə gülərsənmi?
Ey bizlərdən təmiz vücud,
Könlümü ardınca uçurt.
Yerin xəzəl, göyün bulud -
Mənzil-mənzil bölərsənmi?
Ey hər göldən şəkər dadan,
Buluda baş qoyub yatan.
Mən qanadsız piyadadan
Durub dilək dilərsənmi?
Nə bir mənzil vurduq başa,
Nə gün gördük gəlsin xoşa
Heç qoşalar uçmur qoşa,
Tənha uçan tək sənsənmi?
O,istəyir dönə məndən,
Gedib ki, gizlənə məndən.
O,adı gizlinə məndən.
Bir çınqı söz söylərsənmi?
Azalıb mehri dünyanın
Çəmi yox qeyri dünyanın.
Yolları əyri dünyanın
Keçidlərin bilərsənmi?
______________________________________________
Teqlər: Musa Yaqub şeirləri,
Musa Yaqub payız durnam şeiri,seirler,
payiz durnam seiri musa yaqub,super seir,
şeirlər,musa yaqub seirleri,şeir,seir,
payiz durnam musa yaqub
#SevgiŞeirləri|#AyrılıqŞeirləri|#VətənpərvərlikŞeirləri