seirler.info
Duyğu qatili
(Asim Yadigar)
Öldürdüm duyğularımı,
Öldürdüm hisslərimi.
Tökə bilmədim vərəqlər üstünə
Ağrılarımı, acılarımı, hirslərimi.
Vaxtın darlığı balta çaldı ömrümə,
Qayğılar üstümə gəldi sel kimi.
Qəlbimdə nə qədər duyğularım vardı.
Zaman süpürüb apardı hamısını yel kimi.
Mən qatiləm - söz qatili, duyğu qatili, şeir qatili.
Azadlıqda gəzirəm gör neçə ildi.
Bir adam da yoxdur ki,
Tuta məni, oturda bir otaqda.
Deyə: - nə gəzirsən o dağda, bu dağda
Otur ölən hisslərinə, duyğularına yas saxla.
Qatil olma, heç olmasa bundan sonra.
Ölməmiş duyğularına bir gün ağla.
______________________________________________
Teqlər: Asim Yadigar şeirləri
#SevgiŞeirləri|#AyrılıqŞeirləri|#VətənpərvərlikŞeirləri