seirler.info
Zəfər günün mübarək
(Elvin Elxanoğlu)
İllərlə səbr edib dözdü xalqımız,
Bilirdi bu həsrət bir gün bitəcək.
Qarabağ düşməndən azad edildi,
Azərbaycan, zəfər günün mübarək!
Bilsin şəhidlər və bilsin qazilər:
Tökülən o qanlar olmadı hədər.
44 günə oldu möhtəşəm zəfər,
Qarabağ bizimdi, hamı biləcək.
Azərbaycan, zəfər günün mübarək!
Qanla tarix yazdı şanlı ordumuz,
Zəfərlə taclandı milli ruhumuz.
Özünə qayıtdı cənnət yurdumuz,
Artıq Qarabağım çiçəklənəcək.
Azərbaycan, zəfər günün mübarək!
Dastan yazdı hər zabitin, əsgərin,
Dağıtdı düşmənin postun, səngərin.
Qarşında diz çökdü mənfur düşmənin,
Hər zaman qarşında tir-tir əsəcək.
Azərbaycan, zəfər günün mübarək!
Var xalqımın müzəffər sərkərdəsi,
Qılıncdan itidi onun kəlməsi.
Bəs eyləyər döyüş əmri verməsi,
Dəmir yumruq yenidən birləşəcək.
Azərbaycan, zəfər günün mübarək!
Minlərlə şəhidlər, bunca qazilər,
Nə də gördüyümüz o faciələr...
Nə qədər üstündən keçsə də illər,
Heç vaxt yaddaşlardan silinməyəcək.
Azərbaycan, zəfər günün mübarək!
Elxanoğlu deyir - Gəlin, səbr edək,
Otuz il dözmüşük, beş il də dözək.
Yenə də düşmənlər ağıllanmasa,
Ordumuzu İrəvanda görəcək.
Azərbaycan, zəfər günün mübarək!
____________________________________________
Teqlər:Elvin Elxanoğlu şeirləri
#SevgiŞeirləri|#AyrılıqŞeirləri|#VətənpərvərlikŞeirləri
#SevgiŞeirləri|#AyrılıqŞeirləri|#VətənpərvərlikŞeirləri