seirler.info
EŞQ DƏLİSİ
(Bəxtiyar Nemətli)
Daha qəlb evimin qapısı bağlı,
Sevincim çevrilib kədərə dönüb.
Zindana bənzəyir zülmət gecələr,
Sənsizəm, ömrümün nəşəsi sönüb.
Təkcə sənsizliklə yox olub hər şey,
Böyük bir boşluqda qalmışam inan.
Unudub özümü, qalıb qeydinə
Dərdini qəlbimə salmışam inan.
Bəs indi hardasan, görən mənimtək,
Bircə gün yadına məni saldınmı?
Gerçəkdə qovuşmaq olmadı qismət,
Bir şirin xəyala görən daldınmı?
Uzun gecələrdə yalnızlığınla,
Gözünün yaşını heç qurutdunmu?
Mənli xatirəni silib ürəkdən,
Məni sevə-sevə de, unutdunmu?
İşdir bu dünyaya təkrar gələrsəm,
Səni arzularam, səni sevərəm.
Dözüb həsrətinə sənin yolunda,
Ömrümü, günümü qurban verərəm.
______________________________________________
Teqlər: Bəxtiyar Nemətli şeirləri,
Bəxtiyar Nemətli eşq dəlisi şeiri,
esq delisi seiri Bextiyar Nemetli,
bextiyar nemetli seirleri,şeirlər
#SevgiŞeirləri|#AyrılıqŞeirləri|#VətənpərvərlikŞeirləri