seirler.info

    (Musa Yaqub)
    
    Demə çöldə gülüm, dağda qarımsan,
    Sevgidə son sözüm, son baharımsan.
    Sən mənim bir tale günahkarımsan
    Daha nə mərhəmət, nə insaf eylə,
    Çinar kölgəsində yasəmən kimi
    Əyil günahını etiraf eylə.

    Mizan-tərəzidir dünyada sevgi,
    Gərək əyilməsin o daş, o çəki.
    Yoxdur bu bölgüdə mənim səninki,
    Barı, bir sözünü burda saf eylə
    Atıb o pərsəngi yüngülləş bir az,
    Qalxıb günahını etiraf eylə.

    ...Sənin sevgi yolun yolun bozudu,
    Elə bil ürəyin bulaq duzudu.
    Təbəssümün gülə çilənmiş sudu -
    Ondan işıq düşməz mənə bir gilə,
    Sən ki, şeh deyilsən, düş o ləçəkdən
    Düşüb günahını etiraf eylə.

    Mən qanad verənəm, sən qanad yonan,
    Könlümün içində könlümü qıran,
    Bir sevda üstündə min oyun quran -
    Özünü nə arif, nə sərraf eylə,
    Quqqu quşu kimi özgə yuvadan
    Çəkil, günahını etiraf eylə.
  
  

    ______________________________________________
    Teqlər: Musa Yaqub şeirləri, 
    Musa Yaqub etiraf eylə şeiri,seirler,
    etiraf eyle seiri musa yaqub,super seir,
    şeirlər,musa yaqub seirleri,şeir,seir,
    etiraf musa yaqub
  
#SevgiŞeirləri|#AyrılıqŞeirləri|#VətənpərvərlikŞeirləri