seirler.info

    (Ramiz Rövşən)
    
    Mən bu ağlamalı, mən bu gülməli
    Dünyaya ağlayıb-gülməyə gəldim.
    Bir dünya tapılmaz bundan ölməli,
    Mən də tamahlanıb ölməyə gəldim.
    
    Hələ bu dünyada izim yoxuydu,
    Hər şeyi görürdüm, gözüm yoxuydu,
    Hələ ruhum vardı, özüm yoxuydum,
    Mən bura özümü görməyə gəldim.
    
    Mənə də yer çatar, dünya dar deyil,
    Biz balıq deyilik, dünya tor deyil,
    “Allah göydən baxır, Allah kor deyil!..” –
    Sizə bunu xəbər verməyə gəldim.
  


    _____________________________________
    Teqlər: Ramiz Rövşən şeirləri, 
    Ramiz Rövşən, şeirlər, şeir,
    Ramiz Rovsen seirleri,
    gəldim şeiri, super şeir,
    geldim seiri, seirler,
    Ramiz Rövşən gəldim 
  
#SevgiŞeirləri|#AyrılıqŞeirləri|#VətənpərvərlikŞeirləri