seirler.info
Gələ bilmədim
(Elvin Elxanoğlu)
Bu dəfə üzrlü hesab et məni,
Bayramdı, hədiyyə verə bilmədim.
Bayramın mübarək olsun, ay anam,
Bu dəfə əlindən öpə bilmədim.
Sənin də bayramın mübarək, bacım,
Bağışla, yanına gələ bilmirəm.
Hər bayram gül alıb gələrdim, amma
Cənnət çox uzaqdı, gələ bilmirəm.
Yoldaşım, ürəyim, canım, sevdiyim,
Sənə əmanətdi bütün hər şeyim.
Vətəndi uğrunda candan keçdiyim,
Onunçün canımdan necə keçməyim?
Nolar, ağlamayın arxamca mənim,
Gözünüzdən axan yaşları silin.
Rəbbim dərgahına aparıb məni,
Sizlərə cənnətdən baxıram, bilin.
#SevgiŞeirləri|#AyrılıqŞeirləri|#VətənpərvərlikŞeirləri