seirler.info
Gözəl deyilmi?
(Xalidə Nuray)
Hikmətli sevgidən yarandı bəşər,
Günün doğuşundan açılar səhər,
Ana təbiətdir qüsursuz əsər ,
Tanrının naxışı gözəl deyilmi?
Ülvi baxışınla baxsan cahana,
Eşqiylə çağlayan,coşan cavana,
Mənəvi qidadı eşqdən yanana,
Sevənin baxışı gözəl deyilmi?
Daş altda bulağa,bitən mamıra,
Çiçəyin ləçəyi batar çamura,
Bahar günəşiylə yağan yağmura,
Şimşəyin çaxışı gözəl deyilmi?
Göldən ürkək-ürkək ceyran su içər,
Kəklik kol dibindən gizlicə keçər,
Ovçu tələ qurub,ovunu seçər,
Həyatın axışı gözəl deyilmi?
______________________________________________
Teqlər: Xalidə Nuray şeirləri,
Xalidə Nuray gözəl deyilmi şeiri,
gozel deyilmi seiri Xalide Nuray,
xalide nuray seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri