seirler.info

    (Xalidə Nuray)
    
    Xəyaldan asılı ümidlərimdən,
    Sevgisiz həyata nifrət doğulur.
    Arzular dalınca qaçan könlümün,
    Gözündə boy atan arzu böğulur.
    
    Üçan xəyalımda gizlənireşqim,
    Allanır həyalı utanc yanağım.
    Hərdən küskünləşib boynunu bükür,
    Hərdən gülüşüməolur qonağım.
    
    Nəmli xəyalımın göz yaşı olur,
    Üşüyən ümidin,donan baxışın.
    Könüldə silinməz ilmə toxuyur,
    Qəlbimi oxşayan sevda naxışın.
    
    Qara xəyallarım azır səmada,
    Zülmətə bürünür,dolur buludlar.
    Qərib duyğularım göz yşlarıyla,
    Əl atıb içimdə köksümü odlar.
    
    Buludlar içində ötən xəyallar,
    Məni uzaqlara aparır yenə.
    Bir vüsal soraqlı dərd aşiqi tək,
    Məni öz mənimdən qoparır yenə.



    ______________________________________________
    Teqlər: Xalidə Nuray şeirləri, 
    Xalidə Nuray xəyallarımın göz yaşı şeiri,
    xeyallarimin goz yasi seiri Xalide Nuray,
    xalide nuray seirleri,şeirlər,şeir
  
#SevgiŞeirləri|#AyrılıqŞeirləri|#VətənpərvərlikŞeirləri