seirler.info

    (Zəlimxan Yaqub)
    
    Mənim yaşım uşaq yaşı deyil ki,
    Hər ağacın meyvəsini dərmişəm.
    Allah mənə nə veribsə əzəldən,
    Mən də onu bu dünyaya vermişəm.
    
    Baxmamışam şeytanların sözünə,
    Düz baxmışam həqiqətin gözünə.
    Ömrüm boyu sevənlərin üzünə,
    Ürəyimi süfrə kimi sərmişəm.
    
    Bu yollarda kim ayılan, kim yatan,
    Arzulara kim çatmayan, kim çatan.
    Nə ölənəm, nə itənəm, nə batan,
    Qızıl sözdən qızıl divar hörmüşəm.
    
    Çox sonalar uçurmuşam gölümdən,
    Alov çıxır içərimdən, çölümdən.
    Qorxum yoxdu ayrılıqdan, ölümdən,
    Bu dünyanın hər üzünü görmüşəm.



    ______________________________________________
    Teqlər: Zəlimxan Yaqub şeirləri, 
    bu dünyanın hər üzünü görmüşəm şeiri,
    bu dunyanin her uzunu gormusem seiri,
    zelimxan yaqub seirleri,şeirlər,seirler
  
#SevgiŞeirləri|#AyrılıqŞeirləri|#VətənpərvərlikŞeirləri