seirler.info

    (Ramiz Rövşən)
    
    Təkcə gücsüzlüyündən
    yıxılmır, atam balası,
    Arabir gücündən yıxılır adam.
    Başını dik tutub gəzdiyi yerdə
    içindən yıxılır adam.
    İllər boyu neçə dərdə
    dözüb dayanır,
    Qəfil sevincindən yıxılır adam.
    
    Dünya qaçır ayağının altından –
    yıxılmır,
    Bu dünyanın ən dəlisov atından
    yıxılmır,
    Amma bir kəpənəyin qanadından,
    bir otun ucundan yıxılır adam.
    
    …Gülmə hər yıxılana,
    atam balası, gülmə, –
    Elə bilmə
    bu dünyada təkcə gücsüzlüyündən
    ya da ki, acından yıxılır adam…
  


_________________________________________
Teqlər: Ramiz Rövşən şeirləri, 
        Ramiz Rövşən içindən yıxılır adam,
        Ramiz Rovsen seirleri , şeirlər ,
        içindən yıxılır adam , super şeir ,
        içinden yixilir adam , seirler 
  
#SevgiŞeirləri|#AyrılıqŞeirləri|#VətənpərvərlikŞeirləri