seirler.info
İqar Zeynallı haqqında şeir
(Elvin Elxanoğlu)
İlqar Zeynallıdan gəlin danışaq,
Əziz şəhidləri biz unutmayaq.
O Cəlilli kəndinin ad-sanıdı,
Tovuz rayonunun qəhrəmanıdı.
Cəlilli kəndində məktəbə gedib,
Sonra da həkimlik yolunu seçib.
Hərbi həkimliyi seçibdi özü,
Bütün müəllimlərin gözüydü, gözü.
Hər yerdə qazanıb öz hörmətini,
Ləyaqətlə edib o xidmətini.
O döyüşüb Aprel döyüşlərində,
Vətənin ən ağır, çətin günündə.
Döyüşdə xüsusi yeri varıydı,
İlqar yoldaşların xilaskarıydı.
Harda yaralı var, qaçırdı ora,
Yardım eyləyirdi yaralılara.
Çalışdı həm gündüz, həm də gecələr,
Yox idi gözündə qorxudan əsər.
Ən çətin yerlərə gedib girirdi,
Ordan yaralını xilas edirdi.
Tovuz döyüşləri başlayan zaman
Cəbhəyə yollandı heç dayanmadan.
Hətta məzuniyyətdən imtina etdi,
Döyüşdə iştirak etməyə getdi.
Polad Həşimovla çiyin-çiyinə
O da qalxdı şəhidlik zirvəsinə.
Tökülən o qanlar hədər olmadı,
Şəhidlərin qanı yerdə qalmadı.
İyulda dünyaya gələn qəhrəman,
Elə iyulda da köçdü dünyadan.
Yaddaşlarda qaldın gülər üzünlə,
Hər bir kəs fəxr edir bu gün sizinlə!
#SevgiŞeirləri|#AyrılıqŞeirləri|#VətənpərvərlikŞeirləri