seirler.info
İstər
(Elvin Elxanoğlu)
Aşiq olan hər dəm güli-xəndanını istər,
Məst olduğu o sərvi-xuramanını istər.
Min məhvəş-dilbər ola gər ruyi-zəmində,
Eşq əhli yenə öz məhi-tabanını istər.
Yandınsa əgər eşq oduna, ey dili-qafil,
Səndən geriyə qalsın, o büryanını istər.
Tök zülfünü, gəl ruyinə qoy şuridə qalsın,
Aşiq sənin o zülfü-pərişanını istər.
Bənd olmuşam o şiveyi-rəftarına, ey gül,
Şeyda olan ol yari-güləzbanını istər.
Qəbul edə bilməm, verələr külli-cahanı,
Elvin o ləbi-ləli-dürəfşanını istər.
#SevgiŞeirləri|#AyrılıqŞeirləri|#VətənpərvərlikŞeirləri