seirler.info
Keçdi belə
(Nəriman Həsənzadə)
Bir gözələ dönüb baxdım,
Gün vurdu, əridim-axdım.
Əldən kəkliyi buraxdım,
Salam verib keçdi belə.
Sən demə, qonşunun qızı,
Dönüb olub ay parası.
Özüm-özümdən narazı,
Dedim daha gecdi belə.
Od içində elə yandım,
Yandığımı sonra dandım.
O güləndə, mən utandım,
Gördüm ömür keçdi belə.
______________________________________________
Teqlər: Nəriman Həsənzadə şeirləri,
Nəriman Həsənzadə keçdi belə şeiri,şeir,seirler,
kecdi bele seiri neriman hesenzade,sevgi seiri,
Salam verib keçdi belə,şeirlər
#SevgiŞeirləri|#AyrılıqŞeirləri|#VətənpərvərlikŞeirləri