seirler.info

    (Nizami Gəncəvi)

    Cavanlıq köç edər, qoyma, gedər əldən, zaman keçsin,
    İnanma, bir daha burdan qəribi-karixan keçsin.
    
    
    İtən gənclik sorağilə qocalar yer süründükcə,
    Bükülüdü bel, bu mümkünmü ömür daim cavan keçsin?
    
    Əziz ömrü şirin tut ki, keçər, bərbad olar, qafil!
    Qədr bil, vermə gəl əldən həyati-cavidan keçsin!
    
    Canı can verib alsaydın bilərdin qədrini şəksiz,
    Bilərmi oğru mal qədrin, ələ yaxşı-yaman keçsin.
    
    Nə qəmlərdən qəm əksilməz, nə bir nöqsan tapar şadlıq,
    Günün istər qara keçsin, ya istər şadiman keçsin.
    
    Nizami, varsa eşqin coş nəvayi-ərğənun ilə,
    Əlində saqinin gəlsin şərabi-ərğəvan keçsin!




    _____________________________________
    Teqlər:  Nizami Gəncəvi şeirləri və qəzəlləri ,
    Nizami Gəncəvi şeirləri , qəzəllər , 
    Nizami Gencevi qəzəlləri ,
    Nizami Gencevi seirleri , qezel ,
    Nİzami Gəncəvi keçsin qəzəli , 
    kecsin qezeli , sənsiz qəzəli ,
    klassiklər , klassik ədəbiyyat
  
#SevgiŞeirləri|#AyrılıqŞeirləri|#VətənpərvərlikŞeirləri