seirler.info
Küsmərəm
(Mikayıl Muşfiq)
Mən şirin ləhcəli bir bülbüləm ki,
Güllərdən küsərəm, səndən küsmərəm!
Məni öz canından artıq istəyən
Ellərdən küsərəm, səndən küsmərəm!
Gözlərin misaldır axan çaylardan,
Kirpiyin oxlardan, qaşın yaylardan.
Qarşımıza gələn uzun aylardan,
İllərdən küsərəm, səndən küsmərəm!
El içində bizə derlər Sayadlı,
Tərlan ovçusuyam, ruhum qanadlı.
İlham pərisinin açdığı dadlı
Dillərdən küsərəm, səndən küsmərəm!
______________________________________________
Teqlər: Mikayıl Muşfiq şeirləri,
Mikayıl Muşfiq küsmərəm şeiri,şeirlər,sevgi şeiri,
kusmerem seiri mikayil musfiq,seirler,sevgi şeirləri,
Mən şirin ləhcəli bir bülbüləm ki,səndən küsmərəm,
mikayıl muşfiq sevgi şeirləri
#SevgiŞeirləri|#AyrılıqŞeirləri|#VətənpərvərlikŞeirləri