seirler.info

    (Nüsrət Kəsəmənli)
    
    Qayıdıb gəlmişəm yanına yenə 
    Nə olar, bu dəfə qəlbimə dəymə. 
    Deyəsən gülürsən acizliyimə 
    Neyləyim, küsülü qala bilmirəm. 

    Sevənlər həmişə yesir düşübdür, 
    Axı aramızda nə sirr düşübdür, 
    Iradəm sevgimə əsir düşübdür, 
    Neyləyim, küsülü qala bilmirəm.

    Zaman gözləməyir, ömür gün axır, 
    Soyuqluğun məni yandırıb yaxır, 
    Gözüm gözlərinə yalvarıb baxır, 
    Neyləyim, küsülü qala bilmirəm. 

    Uçub buludlara qona bilərəm, 
    Bu dərdin əlindən sola bilərəm, 
    Ömürlük ac-susuz qala bilərəm, 
    Neyləyim, küsülü qala bilmirəm.
  
  
  
    _____________________________________
    Teqlər:  Nüsrət Kəsəmənli şeirləri , 
            Nusret Kesemenli , seirler
            Nusret Kesemenli seirleri ,
            küsülü qala bilmirəm ,
            kusulu qala bilmirem , 
            ayrılıq şeirləri , şeir ,
            sevgi şeirləri , super şeir
#SevgiŞeirləri|#AyrılıqŞeirləri|#VətənpərvərlikŞeirləri