seirler.info
Naşı olubsa
(Aytəkin Səfərəliyeva)
Bu necə sevməkdir, necə sevilmək
Nəsibi gözümün yaşı olubsa.
Axı məhəbbətin nə günahı var?
Sevib sevilənlər naşı olubsa.
Yatan bəxt nə etsən daha ayılmaz
Hər eşqin şərbəti cana yayılmaz
Hər ölü, məhəbbət ölü sayılmaz
Məzarı bağrının başı olubsa .
Çox sevgi göylərdən yerə enmədi
Kar oldu, kor oldu, lal tək dinmədi
Böldüyüm hər tikə qəlbə sinmədi,
Yediyim kədərin aşı olubsa.
Titrəyər kamantək könülün simi,
Sevdalar ucalmaz yoxdursa himi,
Birdə sevə bilməz əvvəlki kimi,
Ürək vicudunun daşı olubsa .
Yoluna daş, qaya yağdırsa həyat,
Matəmə dönərsə qəlbdə toy-büsat,
Mhəbbət içində eyləyər vəfat,
Kədər üzüyünün qaşı olubsa.
_______________________________________________
Teqlər: Aytəkin Səfərəliyeva şeirləri
#SevgiŞeirləri|#AyrılıqŞeirləri|#VətənpərvərlikŞeirləri