seirler.info

  (Nəriman Həsənzadə)

    Bu dünya nərdivandı.
Qalxanda mehribandı
Enəndə nə yamandı.
Görüşdük pillələrdə,
Yolun yarısında biz.
O qalxırdı bu dəmdə,
Mən enirdim xəbərsiz.
Onu arzularına
Qaldırıdı nərdivan,
Məni xatirələrə endirirdi.
Bu zaman,
birimiz-günçıxana,
birimiz-günbatana…
Qalxa bilməzdim daha,
Nə o güc, nə o taqət.
O da enə bilməzdi.
Haqlı-haqsız, vermişdi 
öz hökmünü təbiət.
Gərək ya düşməyəydi
Bu görüş heç araya.
Ya o əvvəl gələydi,
Ya mən sonra dünyaya...


______________________________________________
Teqlər: Nəriman Həsənzadə şeirləri, 
Nəriman Həsənzadə nərdivan şeiri,seirler,
nerdivan seiri,neriman hesenzade seirleri,
Bu dünya nərdivandı,şeirlər,nərdivan şeiri

#SevgiŞeirləri|#AyrılıqŞeirləri|#VətənpərvərlikŞeirləri