seirler.info
Nə vaxt sevdin sən məni?
(Rəşad Azəri)
Sevgi cığır, iz deyil,
Sevgi yanan köz deyil.
Sevgi quru söz deyil,
Nə vaxt sevdin sən məni?
Uydum səntək zalıma,
Zəhər qatdın balıma.
Yanmamısan halıma,
Nə vaxt sevdin sən məni?
Danışmadın, gülmədin,
Göz yaşımı silmədin.
Qədrimi heç bilmədin,
Nə vaxt sevdin sən məni?
Ağrı oldun, yaş oldun,
Ayrılığa baş oldun.
Soyuq ürək, daş oldun,
Nə vaxt sevdin sən məni?
Can deyib söz sormadım,
Arzu saçın hörmədim.
Səndən sevgi görmədim,
Nə vaxt sevdin sən məni?
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri