seirler.info
Niyə gəlmişdin
(Elvin Elxanoğlu)
Ay zalım, bir məni başa sal görüm:
Sən niyə gəlmişdin ömrümə mənim?
Belə sevgi olmur, məhv etdin axı,
Bax indi düşdüyüm günümə mənim.
Səni ilk gördüyüm günümə lənət,
Sənli günlərimə, ilimə lənət.
Sevirəm dediyim dilimə lənət,
Sevdirib salmısan zülmə məni.
Ömrüm bahar idi, qış gətirmisən,
Gülən gözlərimə yaş gətirmisən.
Qəlbimə bir qara daş gətirmisən,
Gedib tərk etmisən ölümə məni.
Gedirsən, nəyin var özünlə apar,
Tələsmə, yaxşı bax, hələ vaxta var.
Birdən unudarsan, xatirən qalar,
Sonra görünərsən gözümə mənim.
Sənə yalvarmıram, məni sevəsən,
Gedişin dönüşü yoxdu, biləsən.
Gərək fikirləşib qərar verəsən,
Sonra düşməyəsən izimə mənim.
#SevgiŞeirləri|#AyrılıqŞeirləri|#VətənpərvərlikŞeirləri