seirler.info
NİYƏ QARŞILAŞDIQ
(Bəxtiyar Nemətli)
Niyə qarşılaşdıq bu gün səninlə,
Buludlu havada, yaz yağışında.
Dərsini bilməyən uşaqlar kimi,
Lal olub qalmışdım sənin qarşında.
Üzümə baxanda doldu gözlərin,
Qəlbimiz od tutub yandı, alışdı.
Biz susduq deməyə söz də tapmadıq,
Köhnə xatirələr dindi, danışdı.
Bəlkə göz yaşını gizlətmək üçün,
Külək tellərini sərdi üzünə.
Bir an həyəcandan əsdi əllərim,
Toxuna bilmədim nəmli gözünə.
Yağışda islanıb ayrılan zaman,
Pıçıltı səsiylə dedin:- Bəxtiyar,
Bağışla,mən xoşbəxt ola bilmədim,
Çalış, qurban olum,sən ol bəxtiyar!
______________________________________________
Teqlər: Bəxtiyar Nemətli şeirləri,
Bəxtiyar Nemətli niyə qarşılaşdıq şeiri,
niye qarsilasdiq seiri Bextiyar Nemetli,
bextiyar nemetli seirleri,şeirlər,şeir
#SevgiŞeirləri|#AyrılıqŞeirləri|#VətənpərvərlikŞeirləri