seirler.info

    (Xalidə Nuray)
    
    Vətənimi qorumağa-
    Mübariz tək məğrur, qorxmaz,
    Əsrlərlə yaddan çıxmaz,
    Damarında,
    qanla qoşa qeyrət axan,
    Tapdaq "Vətən"torpağında,
    Şimşək kimi alov çaxan,
    İldırım tək parçalayan,
    Oğul gərək!
    Vətənimi qorumağa-
    Arxasına dönüb baxmaz,
    Vətəninin şərəfinə qara yaxmaz,
    Həyatını qurban verən,
    Qüruruyla, hünəriylə,
    Hər əzaba sinə gərən,
    Düşmənin murdar izini,
    Öz qanıyla daşdan silən,
    Fərid kimi paralayan,
    Oğul gərək!
    Vətənimi qorumağa-
    Soy -kökündən əsla dönməz,
    Tarixlərin yaddaşında heç vaxt ölməz,
    Milyonları bir ürəkdə qovuşduran,
    Ocağında qora dönüb alışdıran,
    Vətənimdən ayrı düşən,
    Ulduzları barışdıran,
    Öz canını ana yurdun
    Torpağına qarışdıran,
    Vətən üçün ölümüylə qürurlanan,
    Oğul gərək!



    ______________________________________________
    Teqlər: Xalidə Nuray şeirləri, 
    Xalidə Nuray oğul gərək şeiri,
    ogul gerek seiri Xalide Nuray,
    xalide nuray seirleri,şeirlər,şeir
     
#SevgiŞeirləri|#AyrılıqŞeirləri|#VətənpərvərlikŞeirləri