seirler.info
Oldu,yaşandı,bitdi...
(Elvin Elxanoğlu)
Bir də qayıtmaz geri,
O günlər daha getdi.
Bir xatirəydi, gülüm,
Oldu, yaşandı, bitdi.
Qınamıram kimsəni,
Taleyin qismətidi.
Ayrılmaq çətin deyil,
Dözülməz həsrətidi.
Ən gözəl günlərimi
Yaşamışam səninlə.
Sənsiz keçən hər günüm
Bərabərdir bir ilə.
Hərdən sual edirəm:
“Niyə ayrı düşmüşük?”
Bəlkə yalnış zamanda
Səninlə görüşmüşük?
İstərəm ki, alimlər
Yaxşı araşdıralar.
Bu sevgi dünyasının
Ayrı bir zamanı var...
#SevgiŞeirləri|#AyrılıqŞeirləri|#VətənpərvərlikŞeirləri