seirler.info
Öyrət mənə unutmağı
(Elvin Elxanoğlu)
Bir şey xahiş edim səndən:
“Öyrət mənə unutmağı...”
Sən nə gözəl unutmusan,
Mən də elə istəyirəm,
Ağlıma da, yuxuma da gəlmə daha.
İstəmirəm darıxmağı,
Öyrət mənə unutmağı...
Necə düşmürəm yadına?
Düşürəmsə,
Sızlamırmı qəlbin sənin?
Bəs sən necə bacarırsan? -
Öyrət mənə öz qəlbini ovutmağı,
Öyrət mənə unutmağı...
Bir musiqi dinləyəndə
Aparmırmı o günlərə?
Gözlərin dolmurmu sənin
Baxan zaman sevənlərə?
Bir gəzdiyimiz küçələr,
Soyuq sahil, coşqun dəniz,
Qağayılar, gur ləpələr
Yadına salmırmı məni?
Yoxsa daha üşümürsən?
Ya getmirsən oralara?
İkimizin izlədiyi bir filmə
Tək baxanda ağlamısan?
Yoxsa... Məndən sonra daha
Heç bir filmə baxmamısan?
Bu sözlərdən sonra yenə
Düşünmürsən qayıtmağı?
Görürsən mən bacarmıram,
Öyrət mənə unutmağı...
#SevgiŞeirləri|#AyrılıqŞeirləri|#VətənpərvərlikŞeirləri