seirler.info
Mən payıza bənzəyirəm
(Aytəkin Səfərəliyeva)
Mən Payıza bənzəyirəm.
Bir az hüzün, bir az hüzur.
Qaraltsamda buludları.
Günəş eyni yerdən doğur.
Mən Payıza bənzəyirəm
Hərdən sakit, hərdən dəli
Gəncliymi xəzan edib ,
Tökür bir - bir tale əli.
Mən Payıza bənzəyirəm.
Hərdən isti, hərdən soyuq.
Qış ömrünün qapısında
Həyat salıb məni duyuq.
Mən Payıza bənzəyirəm.
Küləkləri ögey anam.
Yolub töksə saçlarımı,
Öz içimdə özüm yanam.
Mən Payıza bənzəyirəm
Sağım -solum bəllu deyil.
Xəyallarım havalarda
Tufanlara edir meyil.
Mən Payiza bənzəyirəm
Mən Payızın bir üzüyəm.
Yaradanın Payız ilə
Yaratdığı əkiziyəm.
_______________________________________________
Teqlər: Aytəkin Səfərəliyeva şeirləri
#SevgiŞeirləri|#AyrılıqŞeirləri|#VətənpərvərlikŞeirləri