seirler.info

    (Zəlimxan Yaqub)
    
    Dağlar mənə gəl-gəl desə ürəkdən,
    Gəlib, elə bu yerlərdə qalardım.
    Təbiətlə sevincimi, dərdimi,
    Bölüb, elə bu yerlərdə qalardım.
    
    Nəfəsimdə yaşadardım ətrini,
    Əzizlərdim çiçəklərin xətrini.
    Ömrün-günün qiymətini, qədrini,
    Bilib, elə bu yerlərdə qalardım.
    
    Ne gözəldi bu dağların talası,
    Mən getsəm də, könlüm burda qalası.
    Sevsə məni bir zalımın balası,
    Ölüb, elə bu yerlərdə qalardım.



    ______________________________________________
    Teqlər: Zəlimxan Yaqub şeirləri, 
    Zəlimxan Yaqub qalardım şeiri,şeir,
    qalardim seiri zelimxan yaqub,seir,
    zelimxan yaqub seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri