seirler.info
Qazilər
(Elvin Elxanoğlu)
Bu gün qazilərdən danışacağam,
Vuran əldi, görən gözdü qazilər.
Vətənə göz dikən xain düşmənin,
Qorxmadan başını əzdi qazilər.
Ölümün üzünə gülümsəyərək
Şəhadət andını içdi qazilər.
Vətəni canından üstün bilərək
Öz sağlamlığından keçdi qazilər.
Gördü ki, vətəni qaranlıqdadı,
Ona qurban verdi gözünün nurun.
İtirdi döyüşdə ayağın, qolun,
Vətən əllərindən tutacaq onun.
Onlara qüsurlu kimi baxanlar,
O qüsur sizlərin ürəyindədi,
Vətən namusuna atılan mərmi,
Bu gün də qazinin bədənindədi.
Düşmən qarşısında çəpər oldular,
Qatil gülləsinə sipər oldular.
Heç vaxt unutmarıq biz qaziləri,
Vətən savaşında zəfər çaldılar.
Allah şəfa versin hər birinizə,
Sizin varlığınız fəxrdi bizə.
Sağ olun vətənin mərd oğlanları,
Zəfər yaşatdınız siz ölkəmizə.
#SevgiŞeirləri|#AyrılıqŞeirləri|#VətənpərvərlikŞeirləri