seirler.info
Qəmliyəm
(Rəşad Azəri)
Haqqı haqsız olan yalan dünyada
Yalanları görən gözü nəmliyəm.
İnsanların şeytana daş atdığı
Adətindən qorxan gözü qəmliyəm.
Güman da qalmayıb kişi mərdinə,
Zaman gəlib çatıb axır həddinə.
Şəfası olmayan xəstə dərdinə
Yanaraq kül olan közü qəmliyəm.
Nə yaman çətinmiş, həyat, dərslərin,
Səsi ərşə qalxar fəryad səslərin.
Bəxtindən kam olan bəxtsiz kəslərin
Yoluna iz salan izi qəmliyəm.
________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri