seirler.info

    (Əli Kərim)
    
    Şaxta
    sazaq...
    Maşın tərpənmir yerindən.
    Şofer əllərini
    hirsli-hirsli
    yanlarına çırpır.
    - Benzini az götürmüşdüm,
    deyir mən.
    Yığırıq çır-çırpı
    bir ocaq çatmaq üçün.
    Ocaq alışmır.
    Şofer əlyazmalarıma baxır
    gözucu.
    Çıxarıram bir-bir:
    bu ballada,
    bu şeir,
    bu epiqram.
    Kibritin titrəyən
    alovun altına atıram.
    Bircə şeirim qalır ki,
    Heç onu yandıracağımız kimi,
    çap etdirməyi də
    fikirləşməmişəm.
    Gözümdə qaralır aləm,
    Ocaq istəyir alışsın,
    İstəyir alışmasın.
    İstəyir məftil kimi
    damarlarımda
    bərkisin qanım.
    İstəyir şaxtada yanım,
    Vermərəm o şeirimi.
    Vermərəm könlümün
    müqəddəs guşəsindən
    bəzi şeirləri
    verməyəcəyim kimi.
    Qəmlənirəm bu ara.
    şaxta redaktorun
    yandırdığı soyuq sözündən sonra.
    Bildim ki insan nə qədər yanılarmış.
    O qədər yazı içində
    bircə şeirim varmış.
  


    ______________________________________________
    Teqlər: Əli Kərim şeirləri, 
    Əli Kərim qış günündə şeiri,şeir,seir,
    qis gununde seiri eli kerim,seirler,
    Eli Kerim seirleri,şeirlər
  
#SevgiŞeirləri|#AyrılıqŞeirləri|#VətənpərvərlikŞeirləri