seirler.info
Qoşma
(Musa Yaqub)
Bir məhəbbət harayında oyanmış,
Sevgi adlı imtahanda sınanmış,
Bir-birinin taleyinə sığınmış,
Bir arzulu ömürdaşıq,ay sonam!
Gədiklərin çən-dumanı sovuşdu,
İki cığır gəlib yolda qovuşdu.
Ürəyimiz bir-birinə qovuşdu,
Bu yollarda biz yoldaşıq,ay sonam!
Bir yuvanı isitmişik ikimiz,
Bir oda,bir ocağadır ərkimiz.
Balamız var:
bəhər verdi sevgimiz,
Bir qayğılı,bir sirdaşıq,ay sonam!
Sel özünü vurar daşa,yorulmaz,
İki durna uçar qoşa,yorulmaz.
Əl ki,əldən bərk yapışa,yorulmaz,
Bir-birinə arxadaşıq,ay sonam!
______________________________________________
Teqlər: Musa Yaqub şeirləri,
Musa Yaqub qoşma şeiri,seirler,Musa yaqub sevgi şeirləri,
qoşma seiri musa yaqub,super seir,sevgi şeirləri,
şeirlər,musa yaqub seirleri,şeir,seir,super şeirləri,
qoşma musa yaqub,sevilən şeirlər
#SevgiŞeirləri|#AyrılıqŞeirləri|#VətənpərvərlikŞeirləri