seirler.info
Analar
(Rəşad Azəri)
Şəhid Bəkirov Təbrizin
ruhuna ehtiramla...
Ölümdən qorxmayan məğrur igidə
Bir ana laylası çalın, analar!
Düşmənə göz dağı verən igidə
Bir ana laylası çalın, analar!
Şəhadət zirvəsi alan şəhidə,
Tər-qönçə bağında solan şəhidə,
Muradı gözündə qalan şəhidə
Bir ana laylası çalın, analar!
Qapqara geyinib solan anaya,
Gözləri yollarda qalan anaya,
Ağarmış saçını yolan anaya
Bir ana laylası çalın, analar!
_______________________________________________
Teqlər: Rəşad Azəri şeirləri
#SevgiŞeirləri|#AyrılıqŞeirləri|#VətənpərvərlikŞeirləri