seirler.info
Dos Axtarıram
(Rəşad Azəri)
Qorxmuram dost yarasından,
Dostun güvən sırasından.
Dostlarımın arasından
Həqiqi dost axtarıram.
Tikəsini tikə bölən,
Böyük-kiçik yerin bilən,
Haqq yolunda mənlə ölən
Həqiqi dost axtarıram.
Xəyanəti götürməyən,
Yalan dilə gətirməyən,
Duz-çörəyi itirməyən
Həqiqi dost axtarıram.
Pul görəndə dəyişməyə,
Yersiz yerə and içməyə.
Sirlərimi bölüşməyə
Həqiqi dost axtarıram.
_______________________________________________
Teqlər: Rəşad Azəri şeirləri